日常生活入面，每個家庭都要交水費、電費、煤氣費，賺開信用卡積分嘅你，梗係要從中透過信用卡繳費儲里數或回贈啦。唔計直接去機構或者便利店用現金交錢，簡單嚟講，用信用卡交水電煤費主要有3個方法：
- 網上銀行eBanking
- 信用卡自動轉賬 Auto Pay
- 電子錢包，包括 WeChat Pay HK、雲閃付、八達通銀包(O!ePay)、支付寶(AlipayHK)或PayMe
水電煤 信用卡繳費方法
想知水費、電費、煤氣費可以點透過信用卡繳費，下面個表可以睇晒：
| 信用卡繳費方法 | 水費 | 中電電費 | 港燈電費 | 煤氣費 |
| 自動轉賬 | X | Y | Y | Y |
| 網上銀行 | Y | Y | Y | Y |
| Alipay HK | Y | Y | Y | Y |
| WeChat Pay HK | Y | Y | X | Y |
| 雲閃付 | X | Y | Y | Y |
| PayMe | Y | X | Y | X |
| 八達通銀包 | Y | X | X | X |
信用卡自動轉賬 交電煤費
信用卡自動轉賬交電費同煤氣費都得，只係得水費做唔到信用卡自動轉賬。
網上銀行 交水電煤費
網上繳費可以經信用卡交齊水電煤賬單，包括水費、中電電費、港燈電費、煤氣費。
Alipay HK 支付寶 交水電煤費
Alipay HK可以用信用卡交齊水電煤賬單，包括水費、中電電費、港燈電費、煤氣費。
但由2022年1月4號起，透過支付寶使用信用卡(除中銀信用卡／渣打 Q Credit Crad 外)繳交電費、煤氣費、政府賬單（包括水費及差餉地租等）、物業管理費，將會按每筆交易收取 2.5% 手續費，自動轉賬除外。想用支付寶交晒水電煤賬單，一係用指定信用卡，或者set定自動轉賬，先可以免手續費繳費。
Alipay HK 支付寶推薦信用卡：
建行京東卡：4%回贈
WeChat Pay HK 交水電煤費
除左港燈電費，WeChat Pay HK可以經信用卡交齊水電煤賬單，包括水費、中電電費、煤氣費。
由2022年8月15號起，用中銀Visa/Mastercard信用卡/餘額/銀行賬戶繳費先免手續費，用銀聯信用卡收1%手續費，用其他信用卡收2%手續費。
WeChat Pay HK 推薦信用卡：
安信EarnMore信用卡：2%回贈
雲閃付 交水電煤費
同信用卡自動轉賬一樣。除左水費，雲閃付可以經信用卡交齊水電煤賬單，包括中電電費、港燈電費、煤氣費。
雲閃付推薦信用卡：
安信EarnMORE卡：2%回贈
PayMe 交水電煤費
PayMe 只可以用 PayMe 餘額繳付賬單，同埋只可以交水費+港燈電費。
八達通銀包
八達通銀包都唔係經信用卡直接繳付賬單，只可以用餘額付款，間接係用八達通自動增值賺信用卡積分。
===========================================
仲有其他著數野😍😍👇👇👇
- 想知今個月仲有咩卡好用👉 https://bit.ly/信用卡組合
- 最新信用卡超市生活百貨個人護理店優惠👉 http://bit.ly/超市優惠
- 最新信用卡電器優惠👉 http://bit.ly/電器優惠
- 電子錢包攻略，每月零成本輕鬆回贈👉http://bit.ly/電子錢包
- 八達通自動増值用邊張好👉https://bit.ly/八達通
- 最新迎新優惠👉 https://bit.ly/Welcome_offer
- 叫外賣最新優惠👉https://bit.ly/takeaway_discount
- 唔想俾銀行收年費👉https://bit.ly/免年費熱線
- 最新戲院睇戲優惠👉https://bit.ly/睇戲優惠
- 最強網購信用卡👉https://bit.ly/網購信用卡
- 銀包必備食飯卡👉https://bit.ly/食飯卡
- Netflix, Spotify用咩卡交月費好👉https://bit.ly/串流影視音樂平台
沒有留言:
張貼留言